சென்னை: பி.சி., - எம்.பி.சி., விடுதிகளில் சேர, மாணவர்களிடமிருந்து விண்ணப்பங்கள் வரற்கப் படுகின்றன.சென்னையில், பிற்படுத்தப்பட்டோர், மிகவும்பிற்படுத்தப்பட்டோர், சிறுபான்மையினர் இனத்தை சேர்ந்த, மாணவ - மாணவியருக்கு என, 14 கல்லுாரி விடுதிகள், தமிழக அரசால் நடத்தப்படுகின்றன. இலவசம்இந்த விடுதிகளில் சேர்வதற்கான விண்ணப்பங்கள், மாணவர்களிடமிருந்து வரவேற்கப்படுகின்றன.
வடபழனி; நியூ பேரண்ட்ஸ் சாலை, ஓட்டேரி; சைதாப்பேட்டை; கிண்டி தொழிற்பயிற்சி மாணவர் விடுதி; அண்ணா பல்கலைக்கழகம், கிண்டி; தாடண்டர் நகர், சைதாப்பேட்டை உள்ளிட்ட இடங்களில், மாணவர்கள் கல்லுாரி விடுதிகள் உள்ளன. லேடி வெலிங்டன் வளாகம், திருவல்லிக்கேணி; அங்கப்பன் நாயக்கன் தெரு, மண்ணடி உள்ளிட்ட, ஐந்து இடங்களில், மாணவியர் கல்லுாரி விடுதிகள் உள்ளன.
இருப்பிடத்தில் இருந்து கல்வி நிலையத்திற்கு, 8 கி.மீ., மேல் இருக்க வேண்டும். இந்த துார விதி, மாணவியருக்கு பொருந்தாது. தகுதியுடைய, மாணவ - மாணவியர் விண்ணப்பங்களை, சம்பந்தப்பட்ட விடுதி காப்பாளரிடம், ஆட்சியர் அலுவலகத்தில் உள்ள மாவட்ட பிற் படுத்தப்பட்டோர் மற்றும் சிறுபான்மையினர் நல அலுவலகத்தில் பெறலாம்.
தமிழகத்தில் உள்ள ஒவ்வொரு விடுதிகளிலும், முகாம் வாழ் இலங்கை தமிழர்களின் குழந்தை களுக்கென தனியாக, ஐந்து இடங்கள் ஏற்படுத்தப்பட்டு உள்ளது. இவ்வாறு அதில் தெரிவிக்கப்பட்டுள்ளது.
