சிம்மம் ராசிக்காரர்களுக்கு பங்குனி மாதம் எப்படி இருக்கு?

சிம்மம் ராசிக்காரர்களுக்கு பங்குனி மாதம் கிரகங்களின் நிலையை வைத்து கணிக்கும் பொழுது, மூன்று கிரகங்கள் ராசிக்கு 8ஆம் வீடான அஷ்டம ஸ்தானத்தில் சஞ்சரிக்கிறது.

அதேபோல மூன்று கிரகங்கள் திருமணம், கூட்டுத் தொழில் ஸ்தானத்தைக் குறிக்கும் 7ஆம் வீட்டில் சஞ்சரிக்கின்றன. ராசிக்கு 9ஆம் வீடான பாக்கிய ஸ்தானத்தில், குரு பகவான் பங்குனி மாதம் முழுவதும் இருக்கிறார். சிம்ம ராசிக்கு ஆண்டு முழுவதுமே அஷ்டமஸ்தானத்தில் ராகு பகவான் இருக்கிறார். இந்த மாதம், ராகுவுடன் சூரியனும் அஷ்டமஸ்தானத்தில், இடம் வீட்டில் மறைவது காரியங்களில் தடைகள் ஏற்படுத்தும். திறமைகள் இருந்தும் வெளிப்படுத்திக் கொள்ள வாய்ப்புகள் கிடைக்காத நிலை ஏற்படும். குடும்பத்தில் சுப காரியங்கள் நடப்பது தாமதமாகும். எந்த விஷயமாக இருந்தாலும் பலமுறை யோசித்து செய்வது நல்லது.

சிம்மம் ராசிக்கு 2024 பங்குனி மாதம் செவ்வாய் சனி சேர்க்கை பலன்

சிம்மம் ராசிக்கு ஆறாம் வீடான மகர ராசியில் செவ்வாய் உச்சம் பெற்று சஞ்சரித்து வந்த நிலை மாறி கும்ப ராசியில் செல்லவிருக்கிறார். கும்ப ராசியில் ஏற்கனவே சனி பகவான் இருக்கிறார். சனியுடன் செவ்வாய் பங்குனி மாதம் முழுவதுமே சஞ்சரிக்கிறார்.

ஜோதிட சாஸ்திரங்களின்படி சனி மற்றும் செவ்வாய் இரண்டுமே எதிரி கிரகங்கள். எனவே இந்த இரண்டு கிரகங்களின் சேர்க்கை அசுப பலன்களை ஏற்படுத்தக்கூடிய தன்மை கொண்டது. உங்கள் ராசிக்கு திருமணம் மற்றும் கூட்டுத்தொழில் ஆகியவற்றை குறிக்கும் கிரகமான செவ்வாய் சனி உடன் கூடும் பொழுது குடும்பத்தில் உங்கள் சுமை அதிகரிக்கும். குடும்பத்தில் ஏதாவது ஒரு சிக்கல் மாற்றுமாற்றி வந்து கொண்டே இருப்பது போல உணர்வீர்கள். அதே நேரத்தில் கூட்டுத் தொழிலில் தேவையில்லாத வாக்குவாதங்களும், கூட்டுத்தொழிலை விட்டு விலகிவிடலாமா என்று நினைக்கும் அளவுக்கு பிரச்சனைகளும் தோன்றலாம்.

சனி மற்றும் செவ்வாய் சேர்க்கை, ஏதோ ஒரு விதத்தில் உங்களுக்கு ஏமாற்றத்தை உணர வைக்கும். சின்ன முன்னேற்றமாக இருந்தால் கூட அதை யாரிடமும் பகிர்ந்து கொள்ள வேண்டாம்.

தொழில் வளர்ச்சியில் சனி மற்றும் செவ்வாய் சேர்க்கையால் பெரிய பாதிப்புகள் எதுவும் நிகழாது என்றால் கூட கடன் வாங்க வேண்டிய சூழல் ஏற்படலாம். குடும்பத்தில் மருத்துவ செலவுகள் அதிகரிக்கும், அரசு சம்பந்தப்பட்ட விஷயங்களில் ஏதேனும் பிரச்சனைகள் நேரலாம்.

சனி செவ்வாய் சேர்க்கை காலம் முடியும் வரை உங்கள் திறமைக்கு உரிய அங்கீகாரம் கிடைப்பதில் தாமதமாகும்.

சிம்மம் ராசிக்கு 2024 பங்குனி மாதம் வக்கிர புதன் பெயர்ச்சி பலன்

ஏற்கனவே புதபகவான் மீன ராசியில் நீச்சம் பெற்று சஞ்சரித்து வருகிறார். நீச்சம் என்பது வலிமை இழந்த நிலையை குறிக்கிறது. மார்ச் மாத கடைசியில் அதாவது பங்குனி மாதத்தின் மத்தியில் வலிமை இழந்த புதபகவான் வக்கிரமாகி பின்னோக்கி செல்ல இருக்கிறார். இது சிம்மம் ராசிக்கு அவ்வளவு நல்லதல்ல. சிம்ம ராசிக்கு வருமானம் குடும்பம் மற்றும் பணவரவு ஆகியவற்றை குறிக்கும் கிரகம் புதன். அதே நேரத்தில் லாப ஸ்தானத்தின் அதிபதியும் புதன் தான். எனவே புதன் வக்கிரமாகும் காலத்தில் பொருளாதார நெருக்கடியை உணர்வீர்கள். குடும்பத்தில் பிரச்சனை அதிகரிக்கும், குடும்ப செலவுகளுக்காக கடன் வாங்கும் சூழல் ஏற்படும். வணிகம் செய்பவர்கள் பெரிய முதலீடுகள் அல்லது புதிய விஷயங்கள் போன்றவற்றை முழுவதுமாக தவிர்க்க வேண்டும்.

பொது வாழ்க்கையில் இருப்பவர்களுக்கு வீண் பழியை ஏற்கும் நிலை ஏற்படலாம். எனவே கவனமாக இருக்க வேண்டும்.

சிம்மம் ராசிக்கு 2024 பங்குனி மாதம் உச்சம் அடையும் சுக்கிரன் பெயர்ச்சி பலன்

சிம்மம் ராசிக்கு முயற்சி மற்றும் தொழில் கிரகமான சுக்கிரன் மார்ச் 31ஆம் தேதி மீன ராசியில் பெயர்ச்சியாகி உச்சமடைகிறார். இதனால் மிகப்பெரிய யோகம் ஏற்படுகிறது. ஏற்கனவே வலிமை இழந்த புதன் உச்சமடையும் சுக்ரனுடன் இணையும் பொழுது நீச்சபங்க ராஜயோகம் ஏற்பட்டு புதனால் பொற்காலமும், சுக்கிரனால் மிகப்பெரிய ராஜயோகமும் உண்டாகும். பங்குனி மாத தொடக்கத்தில் இருந்து சில நாட்களுக்கு நீங்கள் எதிர் கொண்ட பலவிதமான இன்னல்களும் சுக்கிரன் பெயர்ச்சியால் மாறும். இதுவரை பட்ட கஷ்டத்திற்கு எல்லாம் விடிவு என்ற அளவுக்கு வாழ்க்கை தலைகீழாக மாறும். குடும்பத்தில் இருந்து வந்த பிரச்சனைகள் முழுவதுமாக நீங்கிவிடும். வருமானம் அதிகரிக்கும், எடுத்த முயற்சிகள் அனைத்துமே வெற்றி பெறும். சுப காரியங்கள் கைகூடும் உங்கள் வேலை மற்றும் தொழிலில் ஆதரவு தரும் புதிய மனிதர்களின் அறிமுகம் கிடைக்கும்.

பங்குனி மாதம் ஒரு வாரம் முதல் 10 நாட்கள் வரை நெருக்கடியான காலம் ஏற்பட்டால் கூட கிரகங்களின் பெயர்ச்சி அதன் நெருக்கடிகளை அடுத்தடுத்து சரி செய்து நல்ல முன்னேற்றத்தை கொடுக்கும்.

சிம்மம் ராசிக்கு 2024 பங்குனி மாதம் சூரியன் ராகு சேர்க்கை பலன்

சூரிய பகவான் மீன ராசிக்கு பெயர்ச்சியாகும்போது பங்குனி மாதம் தோன்றுகிறது. இந்த ஆண்டு முழுவதுமே மீன ராசியில் தான் ராகு சஞ்சரித்து வருகிறார். எனவே 2024 பங்குனி மாதம் முழுவதுமே ராகு மற்றும் சூரியன் சேர்க்கை மீன ராசியில் உங்கள் ராசிக்கு அஷ்டம ஸ்தானத்தைக் குறிக்கும் வீட்டில் நடக்கிறது.

எவ்வாறு சனி மற்றும் செவ்வாய் சேர்க்கை முரண்பாடாக இருக்கிறதோ அதேபோல சூரியன் மற்றும் ராகு சேர்க்கையும் முரண்பாடான அசுப சேர்க்கை ஆகும். சிம்ம ராசிக்கு ராசியின் அதிபதியான சூரியன் அஷ்டமஸ்தானத்தில் மறைவது என்பது நல்லதல்ல. அது மட்டும் இல்லாமல் ராகு உடன் இணைவது, இடையூறுகளை அதிகரிக்கும். பங்குனி மாதம் சூரியன் மற்றும் ராகு சேர்க்கை, ஒரு சில போராட்டங்களை எதிர்கொள்ள வேண்டிய சூழலை ஏற்படுத்தும். அதிகாரத்தை தவறாக பயன்படுத்திக் கொள்ளாதீர்கள். எல்லா விஷயங்களுமே பொறுமையும் அமைதியும் தேவை.

சிம்மம் ராசிக்கு 2024 பங்குனி மாதம் அதிர்ஷ்டம் தருபவை

வணங்க வேண்டிய தெய்வம்: ராகு கேது வழிபாடு, துர்க்கையம்மன் மற்றும் விநாயகர் வழிபாடு

அதிர்ஷ்டமான நிறம்: பிரவுன்