முதல் முயற்சியிலேயே குரூப் 4 தேர்ச்சி பெற என்ன படிக்க வேண்டும்?

TNPSC குரூப் 4 தேர்வு ஒவ்வொரு ஆண்டும் தமிழ்நாடு தேர்வாணையத்தால் நடத்தப்படுகிறது. TNPSC குரூப் 4 தேர்வுக்கு ஏராளமான விண்ணப்பதாரர்கள் பங்கேற்கிறார்கள்.

தேர்வுக்குத் தயாராகும் போது ஒவ்வொரு வியூகம் அமைத்து படிக்கின்றனர். சிலர் முதல் முயற்சியிலேயே தட்டி தூக்கி விடுகின்றனர். ஒரு சிலருக்கு நேரம் எடுக்கிறது.

முதல் முயற்சியிலேயே பாஸ் பண்ணவேண்டும் என்று நினைப்பவர்களுக்கான டிப்ஸ் தான் சொல்ல இருக்கிறோம். குரூப் 4 பாடத்திட்டம் பற்றிய அறிவு இல்லாமல் தேர்வில் தேர்ச்சி பெறுவது மிகவும் கடினம். ஒவ்வொரு தேர்விலும் பாடத்திட்டம் முக்கிய பங்கு வகிக்கிறது. பாடத்திட்டத்தைப் புரிந்துகொள்வதே முதன்மையான விஷயம், தயாரிப்பைத் தொடங்குவதற்கு முன்பு அதைச் செய்ய வேண்டும்.

சுய தயாரிப்பு:

முதல் முயற்சியில் பாஸ் பண்ண வேண்டும் என்றால் ஆயிரங்கள் லட்சங்கள் செலவு செய்து கோச்சிங் கிளாஸ் போகவேண்டும் என்ற கட்டாயம் ஏதும் இல்லை. நீங்கள் உங்கள் பாடத்தை திட்டமிட்டு படித்தாலே போதுமானது.இன்னும் 88 நாட்கள் இருக்கும் நிலையில் இன்று முதல் உங்கள் பாடங்களை எப்படி படிக்கலாம் என்று பிரித்து படிக்கத்தொடங்கினால் கூயோட போதுமானதே.

என்ன படிக்கவேண்டும்?க்ரூப் 4 தேர்வுகளுக்கான அனைத்து தயாரிப்புகளுக்கும் முதன்மை ஆதாரமாக மாநில வாரிய புத்தகங்கள் அறிவுறுத்தப்படுகின்றன. எனவே நீங்கள் மாநில பாடபுத்தங்களான பின்வரும் சமசீர்கல்வியைப் படிக்க வேண்டும். 10 வகுப்பு வரையான புத்தகங்கள் தான் தகுதி என்றாலும் 11 வது பாடப்புத்தகங்கள் மற்றும் 12 வது பாடப்புத்தகங்களை படிப்பது உங்கள் வெற்றி விகிதத்தைக் கூட்டும்.

என்னென்ன பிரிவுகளில் கேள்வி கேட்கப்படும்?அறிவியல் - இயற்பியல், வேதியியல், தாவரவியல் & விலங்கியல்

வரலாறு, அரசியல், புவியியல், பொருளாதாரம் மற்றும் அறிவியல் ஆகியவற்றின் தற்போதைய விவகாரங்கள்

புவியியல்

இந்தியாவின் வரலாறு மற்றும் கலாச்சாரம்

இந்திய அரசியல்

இந்திய பொருளாதாரம்

இந்திய தேசிய இயக்கம்

தமிழக அரசியல், பொருளாதாரம்,

சுதந்திர போராட்டத்தில் தமிழகத்தின் பங்கு,

கணித திறன் மற்றும் தர்க்க ரீதியான பகுத்தறிவு

கணித திறன் மற்றும் பகுத்தறிவுக்கு மட்டும் 25 கேள்விகள் உள்ளன என்பதை கவனத்தில் கொள்ள வேண்டும். எனவே கணித திறன் மற்றும் பகுத்தறிவுக்கும் அதிக முக்கியத்துவம் கொடுங்கள்

என்னென்ன புத்தகங்கள்?

i) சமூக அறிவியல் புத்தகங்கள் - 6 வது முதல் 10 ஆம் வகுப்பு வரை

ii) அறிவியல் புத்தகங்கள் - 6 முதல் 10 ஆம் வகுப்பு வரை, (கூடுதல் நேரம் இருந்தால் 11. 12 தாவரவியல் மற்றும் விலங்கியல்)

iii) அரசியல் - 6 முதல் 10 வது அரசியல் அறிவியல்

iv) பொருளாதாரம் - 6 முதல் 10 வது பொருளாதார புத்தகங்கள்

v) புவியியல் -6 முதல் 10வது புவியியல் புத்தகங்கள்

vi) இந்திய கலாச்சாரம் - 12 வது இந்திய கலாச்சார புத்தகம்

அரிஹந்த் பொது அறிவு - TNPSC தேர்வுகளுக்கு இருக்க வேண்டிய மற்றும் அதிகம் குறிப்பிடப்பட்ட புத்தகம்.

ஆர். எஸ். அகர்வால் - கணித திறன் மற்றும் பகுத்தறிவு