முதுநிலை மருத்துவம்: இன்று நிர்வாக ஒதுக்கீட்டுக்கான கலந்தாய்வு

முதுநிலை மருத்துவப் படிப்புகளில் தனியார் மருத்துவக் கல்லூரிகளில் உள்ள நிர்வாக ஒதுக்கீட்டுக்கான கலந்தாய்வு சனிக்கிழமை (மே 26) நடைபெற உள்ளது.

முதுநிலை மருத்துவப் படிப்புகளுக்கு மாநில ஒதுக்கீட்டுக்கான கலந்தாய்வு மே 19-ஆம் தேதி முதல் நடைபெற்று வருகிறது. அரசு இடங்கள் மற்றும் தனியார் மருத்துவக் கல்லூரிகளில் உள்ள அரசு ஒதுக்கீட்டு இடங்கள் ஆகியவற்றுக்கான முதல் கட்ட கலந்தாய்வு மே 24-ஆம் தேதி நிறைவடைந்தது.

இதனையடுத்து தனியார் மருத்துவக் கல்லூரிகளில் உள்ள நிர்வாக ஒதுக்கீட்டு இடங்களுக்கான கலந்தாய்வு வெள்ளிக்கிழமை நடைபெறும் என்று அறிவிக்கப்பட்டது. ஆனால் கலந்தாய்வு ஒத்திவைக்கப்பட்டு, சனிக்கிழமை (மே 26) நடைபெற உள்ளது என்று மருத்துவக் கல்வி தேர்வுக் குழு அறிவித்துள்ளது.