சிசிபிஎஸ்இ பிளஸ் 2 தேர்வு முடிவுகள் இன்று வெளியாகும் என சிபிஎஸ்இ அதிகாரப்பூர்வமாக அறிவித்துள்ளது.
சிபிஎஸ்இ பாடப்பிரிவில் படித்த பிளஸ் 2 மாணவர்களுக்கு, கடந்த மார்ச் மாதம் பொதுத் தேர்வு நடைபெற்றது. இதில், எகனாமிக்ஸ் பாடத்திற்கான கேள்வித்தாள், தேர்வு நடைபெறும் முன்னே வெளியானது மிகப்பெரிய சர்ச்சையை ஏற்படுத்தியது.
இதையடுத்து, இதுதொடர்பாக வழக்குப் பதிவுசெய்யப்பட்ட விசாரணை மேற்கொள்ளப்பட்டது. கேள்வித்தாள் வெளியான பாடத்திற்கு மட்டும் பின்னர் தேர்வு நடைபெற்றது.
இதைத் தொடர்ந்து, தேர்வு முடிவுகள் குறித்து சிபிஎஸ்இ எந்தத் தகவலையும் தராத நிலையில், இன்று மே 26 ஆம் தேதி, காலை 10 மணியளவில் பிளஸ் 2தேர்வு முடிவுகள் வெளியாகும் என அறிவிக்கப்பட்டுள்ளது. தேர்வு முடிவுகளை மாணவர்கள்www.cbse.nic.in என்ற இணையதளத்தில் தெரிந்துகொள்ளலாம் என்று தெரிவிக்கப்பட்டுள்ளது.
முன்னதாக, தேர்வுர்வு முடிவுகள் எப்போது வெளியாகும் என்பது தெரியாததால் மாணவர்கள் மேல் படிப்பிற்கு விண்ணப்பிப்பதில் சிரமம் ஏற்பட்டது என்பது குறிப்பிடத்தக்கது.
