பொது முடக்கம் நீக்கமா, தளா்வா?: மருத்துவ நிபுணா்களுடன் முதல்வா் இன்று ஆலோசனை

சென்னை: தமிழகத்தில் கரோனா பாதிப்பு அதிகம் உள்ள பகுதிகளில் பொது முடக்கத்தைத் தொடா்வதா அல்லது நீக்குவதா என்பது குறித்து மருத்துவ நிபுணா்களுடன் முதல்வா் பழனிசாமி செவ்வாய்க்கிழமை ஆலோசனை நடத்தவுள்ளாா்.
இந்த ஆலோசனையைத் தொடா்ந்து பொது முடக்கம் குறித்த இறுதி முடிவை அவா் வெளியிட உள்ளாா்.
மூன்று முறை ஆலோசனை: தமிழகத்தில் பொது முடக்கத்தை நீட்டிப்பது, தளா்வுகள் அளிப்பது போன்ற முடிவுகளை எடுப்பதற்கு முன்பாக மருத்துவ நிபுணா்கள் அடங்கிய குழுவுடன் மாநில அரசு ஆலோசனை நடத்தி வருகிறது. இதற்கென தொற்றுநோய் நிபுணா்கள், மூத்த மருத்துவா்கள் அடங்கிய 19 போ கொண்ட மருத்துவ நிபுணா் குழுவை தமிழக அரசு அமைத்துள்ளது.
இந்த நிபுணா் குழுவுடன் முதல்வா் எடப்பாடி கே.பழனிசாமி இதுவரை மூன்று முறை ஆலோசனை நடத்தியுள்ளாா். இந்த ஆலோசனைக் கூட்டங்களின்போது உலக சுகாதார அமைப்பின் துணைத் தலைவா் செளமியா சுவாமிநாதனுடன் காணொலிக் காட்சி வழியாகவும் அவா் உரையாடியுள்ளாா். கடந்த ஏப்ரல் 10, 30 மற்றும் மே 14 ஆகிய தேதிகளில் மருத்துவ நிபுணா்கள் அடங்கிய குழுவுடன் முதல்வா் ஆலோசித்துள்ளாா்.
இந்த ஆலோசனைகளின்போது அவா்கள் தெரிவிக்கும் பரிந்துரைகளின் அடிப்படையில் பொது முடக்கத்தை நீடிப்பது, தளா்த்துவது போன்ற முடிவுகள் அறிவிக்கப்பட்டு வருகின்றன.
இன்று ஆலோசனை: மத்திய அரசு நான்காவது முறையாக நீட்டித்துள்ள பொது முடக்கம் வரும் 31-ஆம் தேதியுடன் நிறைவடைகிறது. பொது முடக்கம் தமிழகத்திலும் நடைமுறைப்படுத்தப்பட்டுள்ளது. இந்த நிலையில், பொது முடக்கம் குறித்து அடுத்த கட்ட முடிவுகளை எடுப்பதற்கு தமிழக அரசு அமைத்துள்ள மருத்துவ நிபுணா்கள் குழுவுடன் முதல்வா் எடப்பாடி கே.பழனிசாமி செவ்வாய்க்கிழமை (மே 26) ஆலோசனை நடத்தவுள்ளாா்.
இந்த ஆலோசனைக் கூட்டத்துக்குப் பிறகு, பொது முடக்கம் குறித்த இறுதி முடிவுகளை மாநில அரசு அறிவிக்கவுள்ளது.
10-ஆம் வகுப்பு தோவும், கட்டுப்பாடுகளும்...: கரோனா நோய்த்தொற்று தாக்கம் அதிகமுள்ள சென்னை மாநகராட்சிப் பகுதிகளில் பொது முடக்கத்துக்கான கட்டுப்பாடுகள் தொடா்ந்து நீட்டிக்க வாய்ப்புகள் இருப்பதாகத் தெரிகிறது. மேலும், பத்தாம் வகுப்புத் தோவுகள் ஜூன் 15-ஆம் தேதி நடைபெறும் என அறிவிக்கப்பட்டுள்ள நிலையில், அந்தத் தோவுகளை மனதில் கொண்டும் பொது முடக்க கட்டுப்பாடுகள் நடைமுறைப்படுத்தப்படும் என அரசுத் துறை வட்டாரங்கள் தெரிவிக்கின்றன.