டான்செட் தேர்வு முடிவுகள் வெளியீடு

முதுநிலை பொறியியல் படிப்புகள், எம்.பி.ஏ., எம்சிஏ படிப்புகளில் சேர்க்கை பெறுவதற்கான தமிழ்நாடு பொது நுழைவுத் தேர்வு (டான்செட்) முடிவுகளை அண்ணா பல்கலைக்கழகம் வியாழக்கிழமை வெளியிட்டது. தேர்வு முடிவுகளை அண்ணா பல்கலைக்கழக இணையதளத்தில் மாணவர்கள் பார்த்துத் தெரிந்து கொள்ளலாம்.

ஜூன் 13 -ஆம் தேதி முதல் இந்தத் தேர்வுக்கான மதிப்பெண் சான்றிதழை மாணவர்கள் பதிவிறக்கம் செய்து கொள்ளலாம். நுழைவுத் தேர்வு மதிப்பெண் அடிப்படையில் கலந்தாய்வு மூலம் இந்த முதுநிலைப் படிப்புகளில் மாணவர் சேர்க்கை நடத்தப்படும். இந்த சேர்க்கைக்கான அறிவிப்பு பின்னர் வெளியிடப்படும் என பல்கலைக்கழகம் அறிவித்துள்ளது.